lei galega de saúde mental

Serviu para algo

A pesares de non sentirnos escoitadas, pensamos que o traballo valeu a pena. Confiamos en que esta chamada de atención sirva para alertar á administración de que o nivel de esixencia da sociedade galega para coa saúde mental aumentou de xeito irreversible, e de que o sufrimento de moitas personas non puede ser ignorado ou silenciado.

Tamén agardamos que a nosa iniciativa servira para dar forzas e inspirar a todas esas persoas coas que temos falado, tanto persoas diagnosticadas que se sinten esquecidas, como familiares extenuados ou profesionais queimados... para que non baixen os brazos. Entre todos e todas podemos elevar un cambio a mellor, dende abaixo cara arriba, na saúde mental.

Grazas por axudarnos!

Grazas á vosa colaboración conseguimos superar amplamente o obxectivo das 10.000 sinaturas necesarias para levar ao Parlamento de Galicia a Iniciativa Lexislativa Popular por unha Lei Galega de Saúde Mental.

Queremos agradecer a todas as persoas que decidiron apoiar esta iniciativa coa súa sinatura, e en especial aos máis de 120 voluntarios e voluntarias que actuaron como embaixadores da mesma, abrindo unha conversa sobre a saúde mental no seu ámbito familiar, social e laboral, contribuíndo así a combater pouco a pouco o estigma dentro das súas comunidades.