os nosos proxectos

O coidado da saúde mental na infancia e na adolescencia conta con problemas estruturais que requiren unha estratexia coordinada e pactada coa sociedade, con medidas, consensuadas coa comunidade educativa e con todos os axentes implicados no coidado comunitario da saúde mental. Por iso estamos a traballar nun gran Pacto para a Mellora da Saúde Mental Infanto Xuvenil en Galicia, ao cal estanse a sumar moitas entidades locais, asociacións, centros educativos e profesionais de diversas ramas relacionadas coa saude mental.

As iniciativas e os programas de saúde mental requiren do respaldo legal para non quedaren no plano do teórico e das boas intencións. Dende SALMA queremos impulsar unha Lei galega de Saúde Mental, que garanta o cumprimento dos dereitos e que organice a asignación de medios e de recursos á asistencia sanitaria, e as prestacións sociais para as persoas con problemas de saúde mental.

Queremos fomentar un modelo habitacional innovador para persoas con enfermidades mentalis graves, que dote aos seus residentes dun entorno hogareño e estable, con actividades ocupacionais que fomenten a súa autonomía e bienestar, e con asistencia permanente de persoal cualificado. Isto facilita o desenvolvemento de perspectivas de futuro e permite practicar, con acompañamento, unha normalidade sociocultural.